Еліміздің аумағында ауа райы құбылмалы болады

Атлантикалық циклонның және атмосфералық фронтальды бөліктердің әсерінен бүгін еліміздің барлық аумағында ауа райы құбылмалы болады.  

«Қазгидромет» РМК мәліметі бойынша республика бойынша жауын-шашын (қар, жаңбыр) жауады. Республика бойынша тұман түсіп, көктайғақ, бұрқасын болады және екпінді жел соғады. 

Солтүстік Қазақстанда, түнде Ақмола облысының солтүстігінде, батысында, шығысында, оңтүстік-батысында, Жамбыл облысының таулы аймақтарында қатты жел тұрады. Күші 30 м/с және одан да жоғары болады.