Бірқатар өңірде ауа райына байланысты ескерту жарияланды

Ауа температурасының күрт төмендеуіне байланысты елдің бірқатар аймақтарында дауылды ескерту жарияланды.

Елордада жел күшейіп, жаңбыр соңы көктайғақ пен қарға ұласты. Күндіз ауа температурасы 1-3 градусқа дейін суытады. Желдің екпіні секундына 22 метрге дейін жетуі ықтимал. Семей қаласында жаңбыр жауып, артынша қар түсуі мүмкін. Қазгидромет орталығының мәліметінше, Абай облысында әлі күнге дейін өрт қаупі сақталып отыр. Ал Шығыс Қазақстан облысында бүгін жауын-шашын болады. Ақтөбе, Қарағанды және Қостанай өңірлерінде жауын, көктайғақ пен боран күтілуде. Павлодар облысында түнде қалың қар жауады. Қызылорда облысында ауа-райы 2 градусқа дейін суытып, топырақ беттері қатады.