Биткоин бағамы жаңа рекорд орнатты
Биткоин бағамы тарихта алғаш рет 106 мың долларға бағаланды, деп хабарлайды 24kz.
Binance биржасының мәліметі бойынша цифрлық валюта бір түнде 5% қымбаттаған. Қазір құны жайлап түсіп жатыр. Соның өзінде бағам 105 мың доллардан түсер емес. Әлемдегі ең танымал криптовалюта АҚШ-тағы президент сайлауынан кейін 5 қарашадан бері тарихи рекордтар орната бастаған. Сарапшылар биткоин бағамының өсуін жаңадан сайланған Ақ үй басшысы Дональд Трамп әкімшілігі цифрлық валюта үшін барлық қолайлы жағдайды жасайды деген үмітпен байланыстырады.