5 қыркүйек – Қазақстан халқының тілдері күні

Бүгін – Қазақстан халқының тілдері күні. Еуразия ұлттық университеті осыған орай жиын өткізді.

Мақсат – ана тілімізге, елдегі түрлі этнос өкілдерінің мәдениетіне, тіліне, мұрасына құрмет көрсету. Жиында депутаттар, қоғам қайраткерлері сөз алып, бұл күннің мән-маңызын айтты.

Жалпы Қазақстан халқының тілдері күні қазақ әліпбиінің атасы Ахмет Байтұрсынұлының туған күніне орай бекітілген. 

Талғат Ешенқұлов, ҚР Ғылым және жоғары білім вице-министрі:

- Қазіргі жаһандану дәуірінде жастарды ана тілін, туған жерін сүюге, оған қызмет етуге, құрмет тұтуға тәрбиелеуіміз қажет. Тіл мерекесі құтты болсын! Баршаңызға шығармашылық табыс тілеймін.

Нұртөре Жүсіп, ҚР Парламенті Сенатының депутаты:

- Алаш арысы, ұлт ұстазы – Ахмет Байтұрсынұлының туған күні. Мемлекеттік тілдің пайдалану аясының кеңеюі біз үшін өте маңызды. Сондықтан да мәдениетаралық қарым-қатынаста, түрлі этникалық топтардың коммуникациясына осы мемлекеттік тілді негізге арқау ету, негізгі мақсаттың бірі екендігін білесіздер.