Елде жасанды интеллект қоры құрылады

Қазір оны қаржыландыру тетігі пысықталып жатыр. Салалық ведмствоның дерегінше, аталған қор цифрлық жобалар мен білім беру бастамаларына демеу болады.

Жауаптылар жасанды интеллектіні ең алдымен білім беру, ауыл шаруашылығы, өндіріс, логистика және тау-кен салаларына енгізбек. Сондай-ақ елде жеке тұлғалардың дербес деректерінің қорғалуына айрықша назар аударылады. Өйткені онлайн-алаяқтық, жасанды интеллектіні қылмыс құралы ретінде пайдалану бүгінде әлем бойынша қалыпты жағдайға айналды. Президент Үкіметке киберқауіпсіздікті қамтамасыз ету және азаматтардың деректерін қорғау мәселесін кешенді түрде саралауды тапсырған еді.