Астанада оқушылар онлайн оқиды

Астаналықтар да ауа райының шәлкез мінезімен алысып әлек. Қалада қарлы боран күшейіп, екпінді жел соғып тұр.

Бүгін ауа температурасы −11 градусқа дейін төмендейді. Салдарынан жүріп-тұру қиындап, жолда кедергілер көбейді. Осыған байланысты оқушылардың бір бөлігі сабақты онлайн оқитын болды. Нақты айтқанда, екінші ауысымның 6 сыныпқа дейінгі оқушылары қашықтан оқыту форматына ауыстырылады.