Шекарадан заңсыз өткізу күдігімен қылмыстық топқа құрық салынды

17 адамға сотқа дейінгі тергеп-тексеру басталды. Бесеуі уақытша ұстау изоляторына қамалды. Оқиға Түркістан облысында тіркелді. Олар жүк көліктерінің жүргізушілерін кедендік рәсімдерден жедел өткізу үшін делдал болған. Тінту кезінде 5 бірлік атыс және пневматикалық қару, ірі көлемдегі ақша мен заттай дәлелдер тәркіленген. Операцияны ұлттық қауіпсіздік комитеті полициямен бірлесіп, прокуратураның үйлестіруімен өткізді.