Орталық Азияда тұңғыш рет педагогтер форумы өтуі мүмкін

Орталық Азияда тұңғыш рет педагогтер форумы өтуі мүмкін.

Бұл туралы Қазақстан Республикасының Оқу-ағарту министрі Жұлдыз Сүлейменова мен Өзбекстанның Мектепке дейінгі және білім беру министрі Эзоза Каримова арасындағы  кездесуде айтылды. Тараптар білім беру саласындағы ынтымақтастықтың қазіргі жай-күйі мен даму перспективаларын талқылады. Сондай-ақ педагогтердің біліктілігін арттыру, білім беру үдерісіне жасанды интеллект технологиясын енгізу, екі елдің білім беру ұйымдары арасында кәсіби байланыстарды кеңейту мәселелері қаралды.