Әзербайжан IOFS мүшесі атанды
Әзербайжан Республикасы азық-түлік қауіпсіздігі жөніндегі Ислам ұйымына мүше болды.
Салатантты шара Астанадағы штаб-пәтерінде өтті. Онда бауырлас елдің мемлекеттік туы көтерілді. Іс-шараға ұйымның Бас директоры Берік Арын мен Әзербайжанның Қазақстандағы Төтенше және Өкілетті Елшісі Агалар Ата-моғланов қатысты. Ұйымға мүшелік ету азық-түлік қауіпсіздігін нығайтуға, ауыл шаруашылығы саласындағы ынтымақтастықты кеңейтуге жол ашады. Сондай-ақ ол Әзербайжанның бірлескен бастамаларға белсенді түрде атсалысуына ықпал етеді.
Берік Арын, Азық-түлік қауіпсіздігі жөніндегі Ислам ұйымының бас директоры:
- Бұл елдің қосылуы маңызды қадам, бұл біздің ұйымды күшейтіп қана қоймай, біздің ұйымның да әлеуетін арттыртын болады. Енді Азық-түлік қауіпсіздігі жөніндегі Ислам ұйымы өздеріңіз білетіндей Қазақстан бастамасымен құрылған болатын. Сондықтан да мына бауырлас елдің қосылуы мына екі ел арасындағы бауырластық қатынастардың тағы бір куәсі болып табылады.