Шығыс Қазақстан облысында 38 адам қос азаматтық үшін жауапкершілікке тартылды, деп хабарлайды «24KZ» Polisia.kz-ке сілтеме жасап.
Қазақстан Республикасының заңнамасы қос азаматтыққа жол бермейді. Алайда Шығыс Қазақстан облысының көші-қон қызметінің қызметкерлері басқа мемлекеттің азаматтығын алғаннан кейін бұл туралы хабарламай, бұрынғы құжаттарын пайдалануды жалғастырып жүрген тұлғаларды анықтады.
Жыл басынан бері 620-дан астам адамның Қазақстан Республикасы азаматтығының жоғалғаны ресми түрде тіркелді. Заңнама талаптарын бұзған 38 адам әкімшілік жауапкершілікке тартылды.
Анықталған деректердің негізгі бөлігі көрші мемлекеттердің азаматтығын қабылдаған тұлғаларға тиесілі, — деп атап өтті ШҚО ПД көші-қон қызметі басқармасының бастығы Ринат Шкибаев.
Осындай жағдайлардың бірі Алтай ауданының 21 тұрғынына қатысты анықталды. Ол басқа мемлекеттің азаматтығын алғанымен, бұл туралы уақтылы құзыретті органдарға хабарламаған. Тексеру барысында оның құжаттары тәркіленіп, азаматтықтың жойылғаны ресми түрде тіркелді.
Полиция өзге мемлекеттің азаматтығын алған жағдайда бұл туралы көші-қон қызметі органдарына уақытылы хабарлап, Қазақстан Республикасының заңнама талаптарын қатаң сақтау қажеттілігі туралы ескертеді.
«24KZ» Telegram-арнасына жазылыңыз
