Маңғыстауда дауылды ескерту жарияланды

Жауынгерлер қаза болған Мағыстау облысында желдің қарқыны қатты. Синоптиктер дауылды ескерту жариялады. 

Ауа райының құбылуы оқиға орнындағы құтқару жұмыстарына кедергі келтіретіні анық. Мамандардың хабарлауынша, бүгін өңірдің солтүстігі мен орталығында шаңды дауыл көтеріледі. Облыстың батысы, солтүстігі және орталығында оңтүстік-шығыстан соққан желдің екпіні секундына 15-20 метрге дейін жетеді.