Каспийдегі іздеу жұмыстары аяқталды. LIVE
Каспий теңізінде жоғалған екі әскери қызметшінің денесі табылды. Қорғаныс министрлігі Каспий теңізі акваториясында жүргізілген іздестіру-құтқару операциясының аяқталғанын хабарлады.
«Сағат 09:15 шамасында үздіксіз жүргізілген іздестіру-құтқару жұмыстары барысында бұған дейін із-түзсіз жоғалған екі әскери қызметшінің – сержант Мансұр Гумаров пен матрос Мирас Тұрдыбекұлының денелері табылды», - делінген ресми ақпарда.
Еске салайық, кеше Ақтаудан 43 шақырым жерде орналасқан демалыс орнының жағалауында жауынгерлік тапсырманы орындау кезінде 17 әскери қызметші суға кеткен болатын. Оның 12-сі қаза тауып, үшеуі құтқарылған еді. Осылайша, қаза болған әскери қызметшілердің саны 14-ке жетті.
Оқиғаға байланысты қылмыстық іс қозғалып, тергеу амалдары жүргізіліп жатыр.
