Алматыда жер сілкінді
Алматы маңында сағат 09-дан 38 минут кеткенде жер сілкінді.
Сейсмологиялық байқау және зерттеулер ұлттық ғылыми орталығының мәліметіне қарағанда, зілзала ошағы Алматыдан оңтүстік-батыс бағытта, 8 шақырым жерде орналасқан. Төтенше жағдайлар министрлігі таратқан ақпарға сәйкес дүмпу күші Алматыда 3-4 балл шамасында болған. Ал іргелес Қаскелең қаласында және Боралдай ауылында 2-3 балл, Өтеген батыр ауылында 2 балл тіркелді. Ұялы телефондарға дереу хабар келіп қала тұрғындары қауіпсіз жерлерге шықты.
