Астанада Республика күніне орай екі жүзден астам іс-шара өтеді
Ұлттық мереке - Республика күніне орай елордада 200-ден аса мерекелік шара әзірленді.
Қала тұрғындары мен қонақтары үшін концерттер, көрмелер, автошеру және түрлі спорттық сайыс өтеді. Бүгін конкурдан ел чемпионаты басталса, дүйсенбіде жастар арасында бокстан Азия біріншілігі шымылдығын түреді. Ал 24 қазан күні мемлекеттік академиялық филармонияда өнер ұжымдарының шығармашылық кеші, "Барыс Арена" мұз сарайында этно-рок бағытындағы концерт өтеді.