Әзербайжанмен әскери ынтымақтастық жоспарына қол қойылды

Қазақстан мен Әзербайжан қорғаныс министрлері 2025 жылға арналған екі жақты ынтымақтастық жоспарына қол қойды.

Қорғаныс министрі Руслан Жақсылықов Әзербайжандық әріптесі, генерал-полковник Закир Хасановпен кездесті. Осы күндері еліміздің әскери делегациясы Бакуге барған еді. Онда арнайы ұйымдастырылған көрмеде теңіз, әуе, құрлық әскерлеріне арналған өнімдер және жаңа әзірлемелермен танысты. Руслан Жақсылықов Әзербайжан тарапына көрмеге шақырғаны үшін алғысын білдіріп, екі елдің қорғаныс ведомстволарының өзара іс-әрекетінің оң динамикасын атап өтті. Биыл әскерилер бірлесіп 30-дан астам іс-шара өткізген. Келіссөздер қорытындысы бойынша Қазақстан мен Әзербайжан арасындағы 2025 жылға арналған екіжақты әскери ынтымақтастық жоспарына және ұлттық қорғаныс университеттері арасындағы меморандумға қол қойылды.