Елімізде егін жинау науқаны аяқталды

Елде егін жинау науқаны аяқталды, деп хабарлайды 24kz.

Диқандар 26,5 млн тонна астық жинап, өнімділік былтырғы деңгейден асты. Бүгінгі Үкімет отырысында Ауыл шаруашылығы министрі жауын-шашынға қарамастан айтарлықтай шығынсыз егін жиналғанын айтты. Биыл дақылдардың жалпы жинау алаңы 23,3 млн гектар болды. Оның ішінде 16,7 млн гектары – дәнді және бұршақты өнім. Орташа өнімділік – гектарына 16 центнер. Ал өңірлердегі көрсеткішке тоқталсақ, Солтүстік Қазақстан облысының диқандары жоғары нәтижелер көрсеткен. Сондай-ақ оңтүстік аймақтар, атап айтқанда, Қызылорда, Түркістан және Жетісу облыстарында да жақсы нәтижелер байқалады.