Асанәлі Әшімов қазақстандықтарды Тәуелсіздік күнімен құттықтады
«Азаттық – сонау Алаш азаматтары аңсап, армандаған күн». Қазақ өнерінің абызы, Қазақстанның Еңбек ері Асанәлі Әшімов қазақ елін Тәуелсіздік мерекесімен құттықтады, деп хабарлайды 24kz.
16 желтоқсан – төл тарихымыздағы мерейлі белес. Актер дәл осы күнді азаттықтың ақ таңы үшін арпалысқан азаматтардың арманы орындалған қасиетті мереке деп санайды.
Асанәлі Әшімов, Қазақстанның Еңбек ері:
- Құрметті жерлестер, отандастар, Тәуелсіздік күні құтты болсын. Халқымызға келген қуаныш. Сонау Алаш азаматтарының аңсаған күні, халқымыздың қуанған күні. Сондықтан тәуелсіздік жылдары еркіндік пайда болды. Өз еркіміз өзімізде. Келешек ұрпақты тәрбиелеп, үлкен қатарына қосылуға атсалысып жатырмыз. Сол үлкен елдігімізді қорғаштап, үлкен елдің қатарына қосылайық. Отандастар, сіздерді тағы да тәуелсіздік күнімен құттықтаймын.