Ауғанстанда жер сілкінісінен кейін жағдай күрделенді

Ауғанстанда зілзаладан кейін жағдай күрделене түсті.

Азық-түлік пен ауыз су тапшы. Дүмпулерден әбден қорқып қалған тұрғындар далада түнеп жүр. Төтенше жағдай мен құтқару қызметінің мамандары жетіспейді. 5 күннен бері жалғасып жатқан жойқын жер сілкінісі соңғы рет 6,3 баллмен тіркелді. БҰҰ мәліметінше, мұндай алапат апат соңғы 25 жылда алғаш рет болып отыр. 2 мыңнан астам адам қаза тапты. 11 елді мекендегі үй-жайлар түгел бүлінген. Жергілікті халық гуманитарлық көмекке мұқтаж.