Ауғанстан мен Пәкістан қайта қақтығысты

Ауғанстан мен Пәкістан шекарасында қақтығыс қайта ушықты. Екі елдің негізгі шекара өткелдерінің бірінде болған атыстан төрт бейбіт тұрғын қаза тапты.

Тағы төрт адам жараланды. Талибан өкілдері атысты Пәкістан бастады деп есептейді. Ал Пәкістан тарапы оқ жаудыруды ауған күштері бастағанын алға тартады.

Куәгерлердің айтуына қарағанда, атыс шамамен екі сағатқа созылған. Минометтен атылған снарядтар бірнеше тұрғын үйді зақымдады.