Сирия билігі мен күрдтер бітімге келді
Сирия билігі мен Сирия демократиялық күштері коалициясы атысты тоқтататынын жариялады. Елдің уақытша президенті Ахмед аш-Шараа тиісті келісімге қол қойды.
Құжат 14 тармақтан тұрады. Оның аясында Сирия демократиялық күштері үкімет әскерімен бірігеді. Ал жергілікті мемлекеттік институттар үш провинция: Әл-Хасака, Дейр-эз-Зор және Ракканы қайта бақылауға алады. Билік азаматтық мекемелерді, шекарадағы өткізу бекеттері мен мұнай-газ кен орындарын басқаратын болады.