Д. Трамп пен Б. Нетаньяху кездеседі

Бүгін Вашингтонда Ақ үй басшысы мен Израиль премьер-министрі кездеседі. Дональд Трамп пен Биньямин Нетаньяху Иранға қатысты мәселені талқылайды. 

АҚШ-тың жақын одақтасы Израиль да Иранның ядролық бағдарламасына қарсы. Ядролық қару әзірлеп жатыр деп қауіптенеді. Израиль сондай-ақ Иранның баллистикалық зымырандар жасау және аймақтағы қарулы топтарды қолдауынан сескенеді. Алайда Иран өзінің ядролық жоспары бейбіт мақсатты көздейді деп ақталып келеді. Рейтер агенттігінің мәліметіне қарағанда, өткен аптада Омандағы келіссөздер барысында да Иран «уран байыту құқығын» талап еткен болатын.