Қытайда ақтүтек боран соқты

Қытайдың қазақтар тұратын аймағында ақтүтек боран соғып жолдар жабылды. Баркөл автономдық уездінде қалың қар жауып желдің екпіні секундына 28 метрге дейін жеткен.

Дәл осындай жағдай Ішкі Моңғолия аймағында да тіркелді. Автокөліктер жолда қалып өрістегі отар-отар қой табылмай жатыр. Кейінгі екі күнде құтқару қызметіне іс-түссіз кеткен адамдар туралы хабарлама жиіледі. Жергілікті жерде төтенше жағдай жарияланған. Құтқару шараларына полицейлерден бөлек шекарашылар да тартылды.