Қызыл Жарты Ай қайырымдылық қоры Иранға 171 тонна гуманитарлық көмек жөнелтті
Қызыл Жарты Ай қайырымдылық қоры Иранға 171 тонна гуманитарлық көмек жөнелтті. Ұйым мәліметінше, Иорданиядағы қоймадан 14 жүк көлігі жолға шыққан.
Шамамен 25 мың адамды қажетті заттармен қамтамасыз ету көзделіп отыр. Жүктің ішінде көрпе, гигиеналық құралдар, ас үй жиынтықтары және күн қуатымен жұмыс істейтін шамдар бар. Бұл - уақытша бітім кезіндегі алғашқы гуманитарлық көмектің бірі. Қалған жүк көліктері жуық арада аттанады.