Эболадан көз жұмғандар саны жүзден асты
Конго Демократиялық Республикасында Эбола жұқтырғандар саны 598-ге жетті. Тағы 115 адамның өлімі тіркелген.
Бұл – Дүниежүзілік денсаулық сақтау ұйымы келтірген кейінгі дерек. Сонымен қатар, қауіпті індеттен 19 науқас сауығып шыққаны белгілі. Бұл тұста мамандар өлім-жітім деңгейі әлі де 50 пайызға жетуі мүмкін деп отыр. Қазір өңірде зертханалар көптеп ашылып, шалғай аудандарда бақылау күшейтілген. Ал гуманитарлық көмек арнайы әуе рейстері арқылы жеткізіліп жатыр.