Германиядағы Констанц көлі тартылып барады
Айдың, күннің аманында Германиядағы Констанц көлі тартылып қалды.
Қазір су деңгейі 248 сантиметрге дейін төмендеп, тарихи ең төменгі көрсеткішке түскен. Көктемде жаңбыр аз жауып, кейінгі аптап ыстық көлдің суын одан әрі азайтқан. Бұрын су шайып жатқан аумақта қазір қайықтар қайырлап қалған. Мұның салдары әсіресе сол маңдағы халыққа ауыр тиді. Мамандар көлдің қайта толуы үшін күз бен қыста жауын-шашын мол түсіп, Альпіде қар қалың жиналуы керек дейді.
