Қытайда қариялар саны балалардан асып кетті

Елдің Ұлттық статистика бюросының мәліметінше, былтыр зейнеткерлер қатары 223 млн-нан асқан. Ал 14 жасқа дейінгі балалар олардан 10 млн-ға аз болып шықты, деп хабарлайды 24KZ.

Қытайда бала туу деңгейі рекордтық төмен көрсеткішке түсіп, халық саны төртінші жыл қатарынан азайып отыр. Сарапшылар: «Бұған 35 жыл бойы қолданыста болған бала тууды шектеу саясаты мен урбандалу себеп», - дейді. Әсіресе Бейжіңнің халқы тез қартайып барады. 2035 жылға қарай Қытай астанасындағы әр үшінші тұрғынның жасы 60-тан аспақ. Қазірдің өзінде қала халқының төрттен бірі – қарттар. Билік зейнеткерлерге қолдауды күшейтіп, оларға күтім жасау жүйесін дамытып әлек. Бірақ экономистер халықтың тез қартаюы тұтыну нарығының өсімін бәсеңдетіп, елдің зейнетақы бюджетіне бұдан да үлкен салмақ салуы мүмкін деп қауіптенеді.