Прагада Чехияның ЕХРО-2017 көрмесіне қатысуы бойынша кеңейтілген баспасөз конференциясы өтті

Прагада Чехияның ЕХРО-2017 көрмесіне қатысуы жөнінде кеңейтілген баспасөз конференциясы өтті.

Аталған іс-шараға Чехияның өнеркәсіп және сауда министрінің орынбасары Владимир Бэртл, Қазақстанның Елшісі Сержан Әбдікәрімов, ЧР ЕХРО комиссары Ян Крс және Астанада чех павильонын салатын «АРТЕО» компаниясының директоры Богумил Бохняк қатысты.

В.Бэртл өз сөзінде Қазақстанның астанасында өтетін алдағы шараға қатысудың маңызының өте зор екенін және «жасыл» технологиялардың нәтижелерінін үдеулі енгізуіне, сондай-ақ қоршаған орта мен жаһандық климатты тиімді түрде қорғауына, келешек ұрпақтар мен адамдардың өмір сапасын арттыру мен ресурс сақтағыш және жаңғыртылмалы энергетиканың дамуы аясындағы халықаралық қатынастардың өрістетуіне мүмкіндің туғызатынын атап өтті.

С.Әбдікәрімов біздің мемлекетіміздің ЕХРО-2017 көрмесіне белсенді дайындық шаралары жайында, сонымен қатар чех азаматтары биылғы жылдың басынан бастап Қазақстанға визалық талаптардан босатылуларына орай Чехияның кең іскерлік және әлеуметтік топтарын көрмеге, сондай-ақ Қазақстанның көрікті жерлерін көріп қайтуға шақырды.

Я.Крс пен Б.Бохняк чех павильонының инновациялық толтырылуының ағымдық үрдісі туралы және көптеген ұйымдастыру-техникалық шешімдерінің егжей-тегжейлері жайында слайдтарды көрсетіп журналистердің сұрақтарына жауап берді.