433,54 515.14 5.59
+7 (7172) 757 485 24kz@khabar.kz
ҚАЗ

Колумбияда көлік жарылып, 20 адам жарақат алды

  • 79
  • UPD: 16:18, 27.03.2021
Колумбияда көлік жарылып, 20 адам жарақат алды

Колумбияның оңтүстік-батысында лаңкестік әрекет жасалды, деп хабарлайды «Хабар 24».

Мұнда мэрия ғимараты мен полиция бөлімшесі маңында көлікке қойылған зат жарылған. Салдарынан 20-ға жуық адам жарақат алып, ауруханаға жеткізілді. Үш науқастың жағдайы ауыр. Жарылысты нақты кімнің ұйымдастырғаны әзір беймәлім. Алайда өңірде бірнеше қылмыстық топтың әрекет ететіні белгілі. Олар бір-бірімен есірткі саудасы мен пайдалы қазбаларды заңсыз өндіру үшін араздасып келеді.

Иван Дуке Маркес, Колумбия президенті:

– Лаңкестік – әлсіздердің қолданатын қаруы. Қаскөйлер пандемия кезінде экономиканы қайта жандандыру үшін барын салып жатқан жандардың еңбегін жоққа шығармақ. Алайда біз бұған жол бермейміз. Қастандық жасағандардың барлығын анықтап, жауапқа тартатын боламыз.

Хабар 24 телеарнасы