Эльбруста қаза тапқан альпинистердің саны бес адамға жетті

Белгілі болғандай, тауға екі гид пен 17 саяхатшы көтерілген, деп хабарлайды «Хабар 24».

Альпинистер қатты боран тұрғандықтан құтқарушылардан көмек сұрады. 14 адам құтқарылды. Кейбіреулерінің қол-аяғы сынған, көбін үсік шалған. Олар Азау алаңына эвакуацияланып, дәрігерлерге тапсырылды. Құтқару-іздестіру жұмыстары аяқталды. Шараға 70 маман мен 16 техника жұмылдырылды. Альпинистердің барлығы 30-дан асқан азаматтар. Ресейден келген туристер бұған дейін тауға шығып көрмеген екен. Оқиғаға байланысты тергеу ісі басталды.