Қытайда Олимпиадаға қатысушыларға тәртіп жеңілдетілді
Бұл туралы халықаралық олимпиада комитеті жариялады, деп хабарлайды Хабар 24.
Жаңа ережеге сай енді коронавирусты жұқтырған науқаспен байланысқа түскен азаматтар 14 емес 7 күн бақыланатын болады. Ал ПТР-тест күніне 2 рет жүргізіледі. Егер оның нәтижесі 2 күн бойы теріс болса, адамнан бақылау алынады. Ал коронавирусты жұқтырғандар 10 күн бақыланады. Олар карантиннен ауру нышандары жоғалып, тест нәтижелері 3 күн бойы теріс болса, босатылады. Ал тест нәтижелері оң болып, бірақ вирус жұқтырғанына күмәнданатын адамдардың ПТР-тестін арнайы сарапшылар тобы қарайды. Сондықтан алғашқы тексеру қорытындысы оң болған азаматтардың екінші рет тест тапсыруы қарастырылған.
Еске сала кетейік, Бейжіңде қысқы олимпиада ойындары 4 және 20 ақпан аралығында өтеді. Бүгіннен бастап спортшылар үшін Олимпиада ауылы ресми түрде ашылды.