Ресейде жыл сайын 30 миллион Convasel вакцинасы шығарылады

Ресейдің Федералдық медициналық-биологиялық агенттігі мамандарының зерттеуінше,  препарат коронавирусқа арнайы антиденелердің жоғары титрлерін 100% өндіруге ықпал етеді, деп хабарлайды «Хабар 24» ТАСС агенттігіне сілтеме жасап.

Санкт-Петербургтегі вакциналар мен сарысулар ғылыми-зерттеу институтының өнеркәсіптік алаңы жыл сайын 30 миллионға дейін Convasel вакцина жинақтарын шығаруды жоспарлап отыр. Бұл туралы сенбі күні ведомствоның баспасөз қызметі хабарлады.

Дәрі-дәрмек 2021 жылы Ғылым және технология жылы аясында Ресейдің СПбНИИВС ФМБА Федералдық мемлекеттік унитарлық кәсіпорны Санкт-Петербургтегі базасында ашылған рекомбинантты препараттардың жаңа цехының нысандарында шығару жоспарлануда. «Өнеркәсіп орны жыл сайын 30 миллионға дейін қосарланған дозаны шығаруға мүмкіндік береді», – делінген хабарламада.

«Вакцина жоғары иммуногенділігімен және вирустың беткі белоктарындағы мутацияларға қарамастан, оның ішінде іс жүзінде бірегей қорғаныш қасиеттерімен ерекшеленеді, ол аллергенді емес және жақсы төзімді», – деді ведомство басшысы Вероника Скворцова.

Айта кетейік, елдің Денсаулық сақтау министрлігі жұма күні Ресей Федералдық медициналық-биологиялық агенттігінің Санкт-Петербургтегі вакциналар мен сарысулар ғылыми-зерттеу институты әзірлеген коронавирусына қарсы «Конвасель» вакцинасын тіркеді.