Колумбияның жағалау күзеті кокаин толы катерді ұстады

Колумбияның жағалау күзеті 3,4 тонна кокаинды алып бара жатқан катерді ұстады, деп хабарлайды «Хабар 24».

Әскерилер күдікті қайықты Сан-Андрес аралдарына жақын жерде байқап қалып, тоқтатуға тырысады. Бірақ қылмыскерлер жылдамдықты арттырып қашқан. Әскерилер катерді қуып жетіп, тексере келгенде құты мен қорапшаларға жасырынған кокаинды табады. Заңсыз жүкті алып өтпек болған 3 никарагуалық пен 2 костарикалық азамат болып шыққан.