Багам аралдарында мигранттар мінген қайық апатқа ұшырады
Багам аралдарына жақын жерде мигранттар мінген моторлы қайық аударалып, 17 адам қаза тапты, деп хабарлайды «Хабар 24».
Тағы ондаған босқын із-түзсіз жоғалып, ізестіріліп жатыр. 25 адам құтқарылған. Оқиға Нью-Провиденс аралына жақын жерде болды. Жергілікті биліктің мәлімдеуінше, қайықта 60 шақты адам болған. Олардың бәрі Майамиге бет алып бара жатқан Гати азаматтары көрінеді. Оқиғаға байланысты адамдарды заңсыз тасымалдады деген айыппен 2 күдікті ұсталды.
Филипп Дэвис, Багам аралдарының премьер-министрі:
– Хабар түсе салысымен бірден Құтқару операциясы іске қосылды. Қазір оқиғаның мән-жайы анықталып жатыр. Өкінішке қарай, қаза тапқандардың дені әйел. Марқұмардың арасында бір бала бар.
МИГРАНТТАР ҰСТАЛДЫ
Ал Мексикада полиция бір қоймада АҚШ-қа жасырын өтпек болған 225 мигрантты ұстады. Босқындардың басым бөлігі Гватемала азаматтары. Сонымен қатар Гондуарс, Никарагуа, Куба және Сальвадор тұрғындары бар. Оқиғаға қатысты тергеу жүріп жатыр.