Камбоджада кеме суға кетіп, балалар қаза тапты

Камбоджада кеме суға батып, кем дегенде 11 бала қаза тапты.

Олар мектептен Меконг өзені арқылы үйге қайтып бара жатқан еді. Оқиға елдің оңтүстік-шығысында Кандал провинциясында болған. Тағы бір оқушыны іздеу-құтқару жұмыстары жүріп жатыр. Құрбан болғандар 11-14 жастағы оқушылар еді. Соңғы деректерге қарағанда, жолаушыларда құтқару кеудешесі болмаған. Жергілікті билік құрбан болғандардың жақындарына көңіл айтып, оларға көмек көрсетілетінін жеткізді.