Қытайда толассыз нөсерден бірнеше қаланы су басты

Қытайда да апта бойы толассыз жауған жаңбырдан өзендер тасып, бірнеше қала мен елді мекенді су басты, деп хабарлайды 24kz.

Оқиға Гуанси-Чжуан автономдық ауданында болды. Нөсерден өзен-көлдердің деңгейі 2,5 метрге дейін көтерілген. Егінжайларды қызыл су шайып, өнім жинауға дайындалып отырған диқандар шығынға батты. Ондаған шаруа қожалығы көшіріліп, жүзге тарта адам құтқарылды. Сел жүріп, тау бөктеріндегі жолдар жабылды. Көлік қозғалысы тоқтап қалды. Құтқару шаралары жалғасып жатыр. Қосымша техника мен мамандар тартылып жатыр.