Шанхайда аптапқа байланысты қауіптің қызыл деңгейі жарияланды
Шанхайда ми қайнатар ыстыққа байланысты қауіптің қызыл деңгейі жарияланды, деп хабарлайды 24kz.
Қалада сынап бағанасы 40 градусқа жеткен. Сондықтан билік өкілдері тұрғындарға тысқа шықпай, мейлінше ғимарат ішінде қалу туралы ескерту жасады. Ал компанияларға жұмыс кестесін жоспарлау кезінде, ауа райын ескеру туралы кеңес берілді. Қалада жедел жәрдем қызметкерлері жоғары дайындық режиміне көшірілген. Аптап кесірінен биыл Қытайда алғаш рет қауіптің қызыл деңгейі жарияланып отыр.