Германияда пойыздар тоқтап қалды
Германияда теміржол желісіндегі радиожүйеден ақау шығып, пойыздар тоқтап қалды.
Бұл туралы Deutsche Bahn теміржол компаниясының өкілдері мәлімдеген. Негізінен Майндағы Франкфуртқа бара жатқан пойыздар жүрісін тоқтатты. Бұл қала – Германия ғана емес, бүкіл Еуропа бойынша маңызды көлік дәлізінің бірі. Шаһар арқылы шамамен 1200 пойыз өтеді. Қала маңына қатынайтын электр пойыздары да техникалық кедергіге тап болған. Билік жолаушыларды трамвай, автобус пен метроға отыруға шақырып жатыр.