Израиль Ливандағы әскерін күшейтіп жатыр

Израиль қарулы күштері резервтегі тағы бір бригадасын мобилизациялау туралы жариялады, деп хабарлайды 24kz.

Ол Ливандағы әскери іс-қимылдарға жұмылдырылмақшы. Еврей елінің әскері 23 қыркүйектен бері «Хезболла» ұйымына қарсы «Солтүстік жебелері» операциясын жүргізіп жатыр. Көрші ел аумағын әуеден соққылауда. Бұдан бөлек, 1 қазаннан шекаралас аймақтарда құрлықтағы операциясын бастады. Сол күні Израиль әскері резервтегі 4 бригаданы мобилизациялау туралы жария еткен.