Шри-Ланкада жүк пойызы бір үйір пілді қағып кетті
Шри-Ланкада жанармай тиелген пойыз жолда пілдің үйірін қағып, бірнеше жануар өлді, деп хабарлайды 24kz.
Апаттан екі цистерна аударылып, 100 мың литр жанармай төгіліп қалды. Жануарлар жүк пойызы жүйіткіп келе жатқанда теміржол арқылы өтпек болған. Оқиғадан кейін осы аудандағы пойыз қозғалысы шектелді. Кейінгі жылдары Шри-Ланкада мұндай оқиғалар жиілеп кетті. Өйткені тіршілік ету ортасы азайғасын, пілдер азық іздеп, елді мекендерге келе беретін болған. Былтырдың өзінде пойыз 24 пілді соққан. Ал елде онсыз да бұл жануарлардың саны азайып барады.