«Хезболла» Израильге 190 зымыран ұшырды

Ливандағы «Хезболла» Израильді бір күнде 190 реактив зымыранмен атқылады. Олардың біразы қағып түсірілген. Қалған снарядтар адам жоқ ашық жерге түсті. Бұл туралы AP агенттігі хабарлады.

Израильдің кейбір орман алқаптарында өрт шықты. Зардап шеккендер жайлы әзірге ақпарат жоқ. «Хезболла» өкілдері: «Израильдің әскери базалары мен дәлдеп ататын қару шығаратын кешендерін құртуды көздейміз», – деп мәлімдеді.