Таиландта тасқыннан 29 адам қаза тапты
Таиландта алапат тасқыннан қаза тапқандар саны 29 адамға жетті, деп хабарлайды 24kz.
33 мыңнан астам тұрғын қауіпсіз жерге көшірілді. Билік өкілдерінің айтуынша, табиғи апаттан 5 провинцияда 155 мыңнан аса үйді су басқан. Қазір аймақта іздестіру-құтқару жұмыстары жүріп жатыр. Алайда ауа райы қолайсыздығы біршама қиындық келтіруде. Синоптиктердің болжамы бойынша Таиландтың оңтүстігінде жақын арада толассыз жаңбыр жауады.