Грекия жағалауында мигранттар мінген қайық аударылды

Грекия жағалауында мигранттар мінген қайық аударылып, 5 адам суға батып өлді. 39-ы құтқарылған. Көбі – Пәкістан азаматтары. Куәгерлер қайықта 80 адам отырғанын айтады. Демек тағы 40 кісі із-түзсіз жоғалып кеткен болуы мүмкін. Қазір аймақта іздестіру-құтқару операциялары жүріп жатыр.

Айта кеткен жөн, Грекия теңіз арқылы Еуропаға келетін мигранттар арасында Италиядан кейін екінші танымал бағыт саналады. Жыл басынан бері мұнда 48 мыңнан аса мигрант келген.