Нью-Делиде ауа сапасы қауіпті деңгейге жетті
Үндістан астанасы Нью-Делиде ауа сапасы күннен күнге нашарлап барады. Қаланы тұмшалаған түтіннің сейілетін түрі жоқ.
Керісінше, аса қауіпті деңгейге жеткен. Швейцариялық IQAir дерегі бойынша ластану индексі 617 бірлікті құрайды. Кей аудандарда тіпті 800-ден асады. Бұл дем алуға қолайлы деп саналатын деңгейден әлдеқайда жоғары. Алып шаһарда көлік қозғалысы мен тұрғындардың жүріп-тұруы қиындай түскен. Үндістан астанасында ауа сапасының мұншалықты нашарлауына қала маңындағы егістік алқаптары мен қоқысты өртеу себеп болған.