Сауд Арабиясын топан су басты

Сауд Арабиясында толассыз жауған жаңбырдың соңы тасқынға ұласып, бірқатар қаланы су басты.

Шелектеп құйған жаңбырдан қасиетті Мекке, Медине және Джидда қалаларында көшелер көлге айналған. Ахуалға байланысты метеорологиялық қызмет қауіптің жоғары деңгейін жариялады. Шаһарларда көлік қозғалысы қиындаған. Табиғаттың тосын мінез танытуынан туристер көп әбігерге түскен. Әзірге зардап шеккендер туралы ақпарат жоқ.