434,34 494,00 5,52
+7 (7172) 757 485 24kz@khabar.kz

«Қандастар» кітабы жарық көрді  

  • 182
  • UPD: 11:41, 21.12.2021
«Қандастар» кітабы жарық көрді  

Ыстамбұлдағы отандастарымыз Тәуелсіздіктің 30 жылдығын саралап, бастан өткен елеулі оқиғалар жөнінде тілдесті.

Алыста болса да, атамекендегі мерекелер мен айтулы күндерді қалт жібермейтін қандастарымыз төл мерекені де осымен бірнеше рет атап өтіп жатыр. Бұл жолы шараның маңызын арттыратын су жаңа кітаптың тұсаукесері өтті. Журналист Гүлназ Кәрімжанның «Қандастар» кітабының тұсаукесері Ыстамбұлда өтуі бекер емес. Өйткені, көп томдық кітаптың біріншісі Түркияда тұратын қандастарымызға арналған.

Әбдіуақап Қара, Мимар Синан университетінің профессоры, тарихшы:

 – Бұл кітаптың мәні ерекше, Мен бір тарихшы ретінде айтайын. Сөз ұшады жазу қалады. Жақсының аты өлмейді, ғалымның хаты өлмейді дейді. Хат деген сөз кітап деген сөз. Бұл кітап келешек ұрпаққа осы Түркия қазағының мәдениетін таныстырады, өмір тіршілігін таныстырады. Бұл кітап бажайлап қараған кісіге дүниежүзіндегі қазақтың мәдениеті ортақ екенін, қайғысы, қуанышы, мұңы, мақсаты мүддесі ортақ екенін әйгілеп отыр. Сонысымен де ерекше құнға ие деп ойлаймыз.

Хабар 24 телеарнасы