419,66 501.30 5.64
+7 (7172) 757 485 24kz@khabar.kz
ҚАЗ

Қытайда балмұздақ партиясынан коронавирустың жаңа штамы анықталды – фейк

  • 140
  • UPD: 14:41, 19.01.2021
Қытайда балмұздақ партиясынан коронавирустың жаңа штамы анықталды – фейк Kazgazeta.kz

Telegram арналарында қазақстандықтар Қытайда Тяньцзинь муниципалитетінде балмұздақ партиясынан коронавирустың жаңа штамы табылғаны туралы жаңалықпен бөлісуде. Жаңа штамм COVID-21 деп аталады екен. Бұл жалған.

Таратылып жатқан хабарламаға сәйкес, вирус анықталған балмұздақ азық-түлік дүкенінен алынған. Оның үш данасы ғана тексерілген. Олардан COVID-21 анықталғаннан кейін дәмді тамақ сатылған көшедегі барлық азық-түлік дүкендері белгісіз мерзімге жабылды.

Жалған ақпарат  Қытайда балмұздақ партиясынан коронавирус табылғаны туралы шынайы жаңалыққа негізделген болар. Бірақ бұрын белгісіз болған жаңа штамм емес, ол COVID-19 тудыратын Sars-CoV-2. Лидс Университетінің вирусологы Стивен Гриффин бұл бір рет орын алған жағдай деп санайды, бұған вирус жұқтырған адамның балмұздақ өндіретін шикізатпен байланысы себеп болуы мүмкін, деп жазады stopfake.kz.

Десерттер партиясы саудадан алынып, оқшауланды. Қазіргі кезде инфекция жұқтыруы ықтимал жағдайларды анықтау үшін сатып алушыларды іздеуде. Азық-түлік дүкендерінің жабылуы туралы хабарланған жоқ.

Демек, COVID-21 ауруын тудыратын коронавирустың жаңа штаммы туралы хабарламалар фейк болып табылады.

Хабар 24 телеарнасы