«Нұрлы жер» мемлекеттік бағдарламасымен ақтаулық 53 отбасы баспаналы болды

Ақтауда 53 көпбалалы отбасы қоныс тойын тойлады.

Тұрғын үйге мұқтаж азаматтар бүгін «Нұрлы жер» мемлекеттік бағдарламасымен 2 бөлмелі пәтердің кілтін алды. Жалдамалы баспаналар 19-шы шағынауданнан берілді. Осы мақсатта мемлекет қазынасынан 790 млн теңге бөлінген. Бұл қаражат облыс орталығында жаңадан салынған пәтерлерді сатып алуға жұмсалды. 8 баланың анасы Қамар Айтжанова да осыларды қатарында.

Қамар Айтжанова, көпбалалы ана:

– Қуанып жатырмын. Балаларымның арқасы үй алып жатқаным. Қатты күттім мына үйді. Көп-көп рахмет айтамын. 10 жылдай тұрдым кезекте.

Әбілқайыр Байпақов, қала әкімінің орынбасары:

– Жалдамалы баспана көпбалалы отбасыларға арналған. Ақтау қаласында кезекте тұрған отбасыларға кезең-кезеңімен үй тапсыруға, алда егер қаржы бөлінсе жоспарымыз бар.