Тұрғындар қауіпсіз жерге жеткізілді

Қостанай облысындағы Амангелді ауданының Қосжан ауылынан 10 адам эвакуацияланды.

Төтенше жағдайлар министрлігінің тікұшағымен қауіпсіз жерге жеткізілгендердің 8-і кәмелет жасына жетпеген балалар. Топан сумен күрескен құтқарушалар Қабырға, Қосжан ауылдарына және Алакөл қыстағындағы тұрғындарға әуе көлігімен бір тонна азық-түлік, 5 электр генераторы мен 300 л. жанар-жағармай да жеткізді. Сондай-ақ, Ақтөбе облысының су тасқынынан зардап шеккен Ойыл және Қобда ауданының 20-дан астам тұрғыны қысылтаяң сәтте көмекке келген әскери ұшқыштарға алғысын білдірді.