Алматыда борышкердің шоттарына салынған тыйымды заңсыз шешкен жеке сот орындаушысы жауапқа тартылды, деп хабарлайды «24KZ».
Қадағалау органының тексеруі барысында жеке сот орындаушысының борышкердің банк шоттарына қойылған шектеулерді заңсыз алып тастағаны анықталды. Салдарынан борышкер өндіріп алуға тиесілі 35,6 миллион теңге қаражат аударылмаған.
Сот үкімімен Қазақстан Республикасы Қылмыстық кодексінің 251-бабы 1-бөлігі (Жеке сот орындаушының өкілеттігін теріс пайдалануы) бойынша кінәлі деп танылды.
Судьяның шешімімен оған белгілі бір мерзімге жеке сот орындаушысы қызметімен айналысу құқығынан айыра отырып, 1 жыл 6 айға бас бостандығын шектеу түріндегі жаза тағайындалды.
