Нұр-Сұлтанда көлік апатынан 7 және 11 жасар екі бала көз жұмды

Елордада көлік апатынан кәмелетке толмаған екі бала көз жұмды, деп хабарлайды Хабар 24 Қазақпаратқа сілтеме жасап.

Елордада 4 тамыз күні сағат 22:30-да «Howo» маркалы автокөлігінің 33 жастағы жүргізушісі Қорғалжын тасжолы жағынан айналма жолмен келе жатып, Тілендиев даңғылына қарай жол бойында тұрған «Steyr» маркалы жүк көлігін қағып кеткен.

Келесі кезекте «Volkswagen Passat» автокөлігінің жүргізушісі әрекет етуге үлгермей, «Howo» көлігімен соқтығысады.

Жол апаты салдарынан оқиға орнында «Howo» автокөлігінің 11 және 7 жасар кәмелетке толмаған екі жолаушысы көз жұмды.

«Howo» және «Volkswagen Passat» автокөліктерінің жүргізушілері ауруханаға жеткізілді.

Аталған факті бойынша сотқа дейінгі тергеу амалдары жүргізіліп жатыр.